आरोग्यच्या 70 लाखांचे धनी कोण, वॉर्ड क्रं 20 चे बेपत्ता कर्मचारी शोधा

128
Adv

सातारा पालिकेच्या स्वच्छ सुंदर साताऱ्याच्या वल्गना आरोग्य विभागाने पोकळ ठरवल्या आहेत . हजेरी पत्रकावर सही करून सातत्याने दोन वर्ष गायब होणाऱ्या कर्मचाऱ्यांमुळे वॉर्ड क्र 20 ची सार्वजनिक स्वच्छता धोक्यात आली आहे असा आरोप नगरसेविका लीना गोरे यांनी करत तीव्र आंदोलनाचा इशारा दिला आहे .सातारा पालिकेचे आरोग्य विभाग व्यवस्थापन व सफाईला जाणारे कर्मचारी हे थेट नियंत्रणाअभावी सोकावले असून नगरसेवकांनाच गंडवण्याचे प्रकार सर्रास सुरू झाले आहेत .

वॉर्ड क्रं 20 मध्ये नगरसेविका लीना गोरे यांना सफाई कर्मचाऱ्यांच्या गैरहजेरी चा प्रचंड मनःस्ताप होत आहे . मंगळवार पेठेचा फडके हॉस्पिटल ते काशी विश्वेश्वर ते सोनीच्या गिरणीपर्यंतचा हा वर्दळीचा भाग गोरे यांच्या वॉर्डात येतो . मात्र पाच सफाई कर्मचाऱ्यांपैकी तीन कर्मचारी कामावर येण्याऐवजी सह्या नोंदवून बेपत्ता होत असल्याने वॉर्डाची स्वच्छता धोक्यात आली आहे . वॉर्डला मुकादम नसल्याने तक्रार कोणाकडे करायची ही अडचण आहे .एका कर्मचाऱ्याला मुकादमाचा चार्ज देण्यात आला आहे . मात्र हा कर्मचारी नावालाच मुकादम असून पळून जाणाऱ्या कर्मचाऱ्यांचे फावले आहे . मात्र या सफाई कर्मचाऱ्यांचा नियमित पगार निघतो अशी धक्कादायक माहिती आहे . या खळबळजनक प्रकरणाचा खुलासा नगरसेविका लीना गोरे यांचे पती राजू गोरे यांनी केल्याने आरोग्य विभागाच्या अनागोंदी कारभारावर झगझगीत प्रकाश पडला आहे . हा वॉर्ड आरोग्य निरीक्षक यादव यांच्याकडे आहे . ते या वॉर्डात वर्षातून दोन वेळाच फिरकतल्या ची माहिती आहे .

आरोग्य निरीक्षक व सफाई कर्मचारी यांच्यातील हजेरीचे साटेलोटे अर्थपूर्ण असल्याची चर्चा आहे . काशी विश्वेश्वर चौकातील वॉटर फाउंटन लीना गोरे यांच्या प्रयत्नातून विकसित करण्यात आले . मात्र सफाई कर्मचारी नसल्याने स्वतः राजू गोरे यांना हौदात उतरून सफाई करण्याची वेळ आली .त्यामुळे वॉर्डात केवळ हजेरी लावणारे कर्मचारी प्रत्यक्षात जातात कुठे ? की आरोग्य निरीक्षक त्यांच्या फुकट हजेरीचा मलिदा लाटतात याचा बारकाईने शोध आणि त्याचा सोक्षमोक्ष ही जवाबदारी आरोग्य सभापती अनिता घोरपडे यांनी पार पाडायची आहे . आरोग्य विभागाच्या या अनागोंदी कारभाराच्या विरोधात लीना गोरे यांनी मुख्याधिकाऱ्यांच्या दालना बाहेर ठिय्या आंदोलन करण्याचा इशारा दिला आहे .

पालिकेत बोगस सफाई कर्मचाऱ्यांचा आणि त्या निमित्ताने प्रत्येकी 12.500 रू वेतनाप्रमाणे सतरा लाख रू बिलांचा खेळ गेल्या तीन महिन्यापासून सुरू आहे . मात्र तत्कालीन आरोग्य सभापती व आरोग्य निरीक्षक यांच्या लक्ष्मी दर्शनाचे हप्ते काही लाखातील असल्याची चर्चा आहे . या खाऊ कार्यक्रमावर बारकाईने लक्ष ठेऊन आहे . मात्र सत्ताधारी सातारा विकास आघाडी या प्रकरणावर मूगं गिळून गप्प बसली आहे .

Adv