कोरोना बाधीत रुग्णांच्या सेवेसाठी आ. श्रीमंत छ. शिवेंद्रसिंहराजे भोसले आणि त्यांच्या कुटूंबीयांनी पुष्कर हॉल येथे ८२ बेडचे कोव्हीड केअर सेंटर उभारले आणि ते जिल्हा प्रशासनाला विनामुल्य हस्तांतरीत करण्यात आले. मात्र जिल्हा रुग्णालय आणि जिल्हा प्रशासनाकडून या सेंटरसाठी डॉक्टर्स, नर्स, वार्डबॉय आदी वैद्यकीय यंत्रणाच उपलब्ध होत नाही. त्यामुळे गेल्या दोन आठवड्यांपासून हे सेंटर बंद होते. कोरोना बाधीतांची सं‘या वाढत आहे आणि त्यांना उपचारासाठी बेड मिळत नाहीत. त्यामुळे पुष्कर कोव्हीड केअर सेंटरचा रुग्णांवर उपचार होण्यासाठी उपयोग व्हावा यासाठी आ. शिवेंद्रसिंहराजे यांनी प्रशासनाची वाट न पाहता जे कोणी हे सेंटर चालवेल त्याला विनामुल्य सुपुर्त करण्याचा निर्णय घेतला. यानंतर मंगलमुर्ती हॉस्पिटलने हे सेंटर चालवण्यास घेतले असून उद्या गुरुवार दि. २४ पासून या सेंटरमध्ये रुग्णसेवा सुरु होणार आहे.
कोरोना महामारीमुळे संपुर्ण देशात हाहाकार उडाला आहे. महाराष्ट्रासह आपल्या सातारा जिल्ह्यात गेल्या काही दिवसांपासून कोरोना बाधीतांच्या सं‘येत लक्षणीय वाढ होत आहे. मृत्यूच्या प्रमाणातही चिंताजनक वाढ झाली आहे. सातारा जिल्हा रुग्णालयासह सर्वच खाजगी रुग्णालयांमध्येही बेड शि‘क नाही आणि त्यामुळे रुग्ण दगावत आहेत. या भयावह परिस्थितीला कुठेतरी आळा बसावा, रुग्णांना वेळेत उपचार मिळावेत या उदात्त हेतुने आ. श्रीमंत छ. शिवेंद्रसिंहराजे भोसले, श्रीमंत छ. सौ. वेदांतिकाराजे भोसले व कुटूंबीयांनी स्वमालकीच्या विसावा नाका येथील पुष्कर हॉल येथे स्वखर्चाने ८२ बेडचे सुसज्ज असे कोव्हीड केअर सेंटर उभारले आहे. या सेंटरमध्ये ४२ बेड हे ऑक्सिजन पुरवठ्यासह सुसज्ज असून उर्वरीत ४० बेड विना ऑक्सिजनयुक्त आहेत. दोन आठवड्यांपुर्वी हे सेंटर जिल्हाधिकारी शेखर सिंह यांच्या उपस्थितीत जिल्हा प्रशासनाकडे विनामुल्य हस्तांतरीत करण्यात आले. जिल्हा प्रशासनाने हे सेंटर जिल्हा रुग्णालयामार्ङ्गत चालवण्याचा निर्णय घेतला होता. मात्र अद्यापही जिल्हा रुग्णालयाकडून या सेंटरसाठी वैद्यकीय यंत्रणा उपलब्ध झाली नाही. त्यामुळे हे सेंटर विनावापर पडून होते
आणि गरजू रुग्णांना त्याचा उपयोगही होत नव्हता.
पुष्कर कोव्हीड केअर सेंटर चालू करण्याबाबत आ. शिवेंद्रसिंहराजे यांचा जिल्हा प्रशासन आणि जिल्हा रुग्णालय प्रशासन यांच्याकडे पाठपुरावा सुरु होता. मात्र वैद्यकीय अधिकारी, नर्स, वार्डबॉय आदी स्टाङ्ग उपलब्ध नसल्याने सेंटर चालू होवू शकत नसल्याचे सांगण्यात येत होते. काळाची गरज पाहता रुग्णांवर उपचार होण्यासाठी हे सेंटर तातडीने सुरु होणे आवश्यक होते. त्यामुळे आ. शिवेंद्रसिंहराजे यांनी खासगी हॉस्पिटलच्या डॉक्टरांशी संपर्क साधून रुग्णसेवेसाठी सेंटर सुरु करण्याचे आवाहन केले. त्याला मंगलमुर्ती हॉस्पिटलचे संचालक डॉ. जयदीप चव्हाण यांनी होकार दिला असून आता हे सेंटर मंगलमुर्ती हॉस्पिटल मार्ङ्गत चालवण्यात येणार आहे. पुष्कर हॉल येथील हे सेंटर उद्या गुरुवारपासून सुरु होणार असून त्याचा लाभ गरजू रुग्णांना होणार आहे.
दरम्यान, हे सेंटर आ. शिवेंद्रसिंहराजे यांनी मंगलमुर्ती हॉस्पिलटला शासनाप्रमाणेच विनामुल्य चालवण्यासाठी दिले आहे. शासनाकडून रुग्णांवर मोङ्गत उपचार झाले असते मात्र त्यांची यंत्रणा उपलब्ध झाली नाही. त्यामुळे आता खासगी रुग्णालयाच्या वैद्यकीय यंत्रणेकडे हे सेंटर देण्यात आले असून कमीत कमी खर्चात रुग्णांवर उपचार केले जावेत, अशी आग‘ही सुचना आ. शिवेंद्रसिंहराजे यांनी डॉ. चव्हाण यांना केली आहे. याबाबतही डॉ. चव्हाण सकारात्मक आहेत. पुष्कर कोव्हीड केअर सेंटर हे रुग्णांच्या सेवेसाठी विनामुल्य चालवण्यासाठी देण्यात आले आहे. मंगलमुर्ती हॉस्पिटलमार्ङ्गत हे सेंटर सुरु होणार असून त्यातून कोणत्याही प्रकारचा मोबदला आमचे कुटूंब घेणार नसल्याचे आ. शिवेंद्रसिंहराजे यांनी स्पष्ट केले आहे. त्यामुळे गरजू रुग्णांनी उपचारासाठी डॉ. चव्हाण यांच्याशी संपर्क साधावा, असे आ. शिवेंद्रसिंहराजे यांनी म्हटले आहे.
