पाणीपुरवठा विभागाला नाही वाली,साताऱ्यात घंटेवारीची बोंबाबोंब ऐन सणासुदीत नागरिकांचा संताप

99
Adv

सातारा पालिकेच्या पाणी पुरवठा विभागाच्या कामकाजाचे ताळतंत्र सुटले आहे . सातारा शहरात घंटेवारी करणाऱ्यांचा मनमानी कारभार सुरू असून त्याला पाणीपुरवण्याच्या तांत्रिक अडचणीने शहरात कृत्रिम पाणी टंचाई निर्माण झाली आहे .

ऐन नवरात्रौत्सवाच्या पहिल्या च दिवशी बोगदा ते शाहू चौक या दरम्यान पुरेशा पाणी पुरवठ्या अभावी नागरिकांच्या कामांचा प्रचंड खोळंबा झाला . शहापूर पाणी पुरवठा योजनेच्या उपसा पंपाचा अॅटो स्टार्ट खराब झाल्याने पाणीपुरवठा दीड तास उशिराने झाल्याची माहिती देण्यात आली .

सातारा शहराला शहापूरच्या जकातवाडी येथील मुख्य जलशुध्दीकरण केंद्रातून खाणीची टाकी – पॉवर हाऊस टाकी – गणेश टाकी व गुरूवार बाग टाकी व घोरपडे टाकी असा शहराच्या पश्चिमेकडून पूर्वेला पाणीपुरवठा केला जातो . प्रत्येक वॉर्डाला साधारण पंचेचाळीस मिनिटाची घंटेवारी ठरवून देण्यात आली आहे . मात्र गेल्या दोन दिवसातील मुसळधार पावसाने उपळी येथील दीडशे हॉर्स पॉवरची मोटार नादुरूस्त झाली .नंतर मोटारचा अॅटो स्टार्ट बंद पडल्याने बोगदा ते शाहू चौक या मार्गावरील पाणीपुरवठा उर्वरीत टाक्यांना लेव्हल न मिळाल्याने ठप्प झाला . नवरात्रीच्या पहिल्या दिवशीच पाणी पुरवठ्याची ओरड झाल्याने आरोग्य सभापती अनिता घोरपडे यांना सकाळी ट्रान्सपोर्ट ऑफिसमध्ये या वे लागले . तेथून सूत्र हलल्यानंतर पाणी पुरवठा विभागाचे अभियंता अनिरूद्ध गाढवे कर्मचाऱ्यांसह उपळी केंद्रावर पोहोचले . सुमारे अडीच ते तीन तास दुरूस्ती प्रक्रिया सुरू होती .
शनिवारी दुपारी दीड पर्यंत पाणी पुरवठा टप्प्या टप्पाने सुरळीत करण्यात आला मात्र यामध्ये घंटेवारीचे वेळापत्रक पूर्णतः कोलमडले . शहराच्या पश्चिम भागात कमी दाबाने पाणी पुरवठा झाल्याने नागरिकांची प्रचंड अडचणं झाली . केसरकर पेठेत पाणी टंचाई तीव्र झाल्याने आरोग्य सभापतींचा फोन सातत्याने खणखणत होता मात्र पाणी पुरवठा विभागाची समन्वय यंत्रणाच उपलब्ध नसल्याने नागरिकांची प्रचंड परवड झाली .

पाणी पुरवठा विभागात लक्ष्मी दर्शनाची चर्चा मुख्याधिकारी देणार का लक्ष

विविध कारणाने बिघडलेल्या पाण्याच्या मोटारी यांना दुरुस्त करण्यासाठी पाण्याच्या मोटारी यांना येणारा खर्च हा शुल्लक असताना तो लाखो रुपये कसा जाईल याची शक्कल पाणीपुरवठा विभागातील मुंगळ्या ने लावली असल्याची चर्चा शहरात आज सकाळपासून होती, यातील एक मोटर आज सातारा शहरातील करंजे भागातील नगरसेवक यांनी दुरुस्त करून सातारा पाणीपुरवठा विभागाला दिली मोटारीला जो काही खर्च आला तो या दानशूर नगरसेवकांनी घेतले नाही या नगरसेवकाचे आभार मानावे तेवढे कमी आहेत मात्र मुख्याधिकारी साहेब शुल्लक खर्च असताना तो फुगवला कसा जातो शक्कल मात्र पाणी पुरवठा विभागातील मुंगळ्या कडे आहे एवढे मात्र नक्की खरे

पाणीपुरवठा विभागावर नाही कोणाचे नियंत्रण

पाणी पुरवठा सभापती यशोधन नारकर प्रकृती अस्वास्थामुळे गेल्या एक महिन्यापासून दालनाकडे फिरकले नाही . तर पाणीपुरवठा विभागाचे अभियंता तीन दिवस पाचगणी तीन दिवस सातारा अशी यात्रा सुरू आहे . अभियंता सावळकर यांची वाईला बदली झाली . लिपिक व समन्वयक संदीप सावंत यांच्याकडे अद्ययावत यंत्रणा नाही . कुठे पाणीपुरवठ्याची लाईन नादुरुस्त झाली तर पालिकेकडे एकच प्लंबर आहे . त्यामुळे पाणी पुरवठा विभागाचे पाणी नक्की मुरतयं कुठे व दुरुस्तीची बिले लाखात निघतात कशी याची शोधमोहिम मुख्याधिकारी अभिजीत बापट यांनी सुरू केली आहे .

Adv