राज्यात १९ सप्टेंबर २०२३ पासून सुरु होणाऱ्या गणेशोत्सवात राज्यातील उत्कृष्ट सार्वजनिक गणेशोत्सव मंडळांना राज्य शासनाकडून पुरस्कार देण्यात येणार आहेत.राज्यस्तरावर प्रथम, द्वितीय व तृतीय क्रमांकांना अनुक्रमे पाच,अडीच आणि एक लाख रुपयांचे पारितोषिक देण्यात येणार असून या स्पर्धेत अधिकाधिक मंडळांनी सहभाग नोंदविण्याचे आवाहन सांस्कृतिक कार्य मंत्री सुधीर मुनगंटीवार यांनी केले आहे.पुरस्कारासाठीचा निधी आणि निकष याबाबतीत शासन निर्णय जारी करण्यात आला आहे.
राज्य समितीकडे जिल्हास्तरीय समितीने निवड केलेल्या ४४ सार्वजनिक गणेशोत्सव मंडळांपैकी वरील प्रमाणे तीन विजेत्या गणेशोत्सव मंडळांना वगळून उर्वरित ४१ सार्वजनिक गणेशोत्सव मंडळास राज्य शासनाकडून प्रत्येकी २५ हजार रुपयांचे पारितोषिक व प्रमाणपत्र देऊन गौरविण्यात येईल.या स्पर्धेत सहभागी होण्यासाठी सार्वजनिक गणेशोत्सव मंडळांनी पु. ल. देशपांडे महाराष्ट्र कला अकादमी,मुंबई यांच्या mahotsav.plda@gmail.com या ई- मेल आयडीवर १० जुलै ते ५ सप्टेंबर २०२३ या कालावधीत नोंदणी करावी.
या स्पर्धेसाठी पर्यावरणपूरक मूर्तीसाठी दहा गुण,पर्यावरणपूरक सजावट (थर्मोकोल, प्लास्टिक विरहीत) १५ गुण, ध्वनिप्रदूषण रहित वातावरणासाठी पाच गुण,पाणी वाचवा,मुलगी वाचवा, अंधश्रद्धा निर्मूलन आदी समाजप्रबोधन,सामाजिक सलोख्या संदर्भातील सजावट,देखाव्यासाठी २० गुण,स्वातंत्र्याच्या चळवळीसंदर्भात,छत्रपती शिवाजी महाराजांच्या ३५०व्या राज्याभिषेक वर्षानिमित्ताने सजावट,देखाव्यासाठी २५ गुण
असतील.गणेशोत्सव मंडळाने रक्तदान शिबिर,वर्षभरगडकिल्ले संवर्धन,पर्यावरण रक्षण,सेंद्रीय शेती,सौरऊर्जाबद्दल जागरुकता निर्माण करणे,रुग्णवाहिका (अॅम्ब्युलन्स) चालविणे,वैद्यकीय केंद्र चालविणे आदी सामाजिक कार्यासाठी २० गुण, शाळकरी व महाविद्यालयीन विद्यार्थ्यांच्या शैक्षणिक, आरोग्य आदीबाबत केलेल्या कार्याबद्दल १५ गुण, महिला, ग्रामीण भागातील वंचित
घटकांच्या शैक्षणिक,आरोग्य, सामाजिक आदीबाबत केलेल्या
कार्यासाठी १५ गुण, पारंपरिक सांस्कृतिक कार्यक्रम,स्पर्धांसाठी १० गुण पारंपरिक,देशी खेळांच्या स्पर्धेसाठी दहागुण असतील. गणेश भक्तांसाठी देत असलेल्या प्राथमिक सुविधा उदा.पाणी,प्रसाधनगृह,वैद्यकीय प्रथमोपचार,वाहतुकीस अडथळा येणारनाही,असे आयोजन,आयोजनातील शिस्त, परिसरातील स्वच्छतेसाठी प्रत्येकी पाच असे २५ गुण मिळून अशी १५० गुणांची ही स्पर्धा असणार आहे.
