राज्याचे बांधकाम मंत्री नामदार श्रीमंत छत्रपती शिवेंद्रसिंहराजे भोसले हे रविवारी (दि. 28 जून 2026) सकाळी 9 वाजल्यापासून सातारा शहरातील विविध विकासकामांची प्रत्यक्ष पाहणी करणार आहेत. शहरातील प्रलंबित आणि सुरू असलेल्या कामांचा आढावा घेऊन संबंधित अधिकाऱ्यांना आवश्यक सूचना देण्याची शक्यता आहे.
पाहणी दौऱ्यात पुढील ठिकाणांचा समावेश आहे:
शाहूपुरी पवार कॉलनी येथील वाचनालयाच्या भूमिपूजन कार्यक्रमास उपस्थिती.
शाहूपुरी रंगोळी कॉलनी येथील स्विमिंग टँकची पाहणी.
चार भिंती परिसरातील विकासकामांची पाहणी.
शाहूनगर मांगलाई कॉलनी येथील पाण्याच्या टाकीची पाहणी.
विलासपूर येथील मराठा पॅलेस परिसरातील पाण्याच्या टाकीची पाहणी.
संगम माहुली जंक्शन येथील पाण्याच्या टाकीची पाहणी.
या दौऱ्यामुळे शहरातील पाणीपुरवठा, क्रीडा सुविधा आणि इतर नागरी विकासकामांना गती मिळण्याची अपेक्षा व्यक्त केली जात आहे. स्थानिक नागरिकांकडूनही या दौऱ्याकडे विशेष लक्ष लागले असून, विविध प्रलंबित प्रश्नांवर मंत्री शिवेंद्रसिंहराजे भोसले कोणते निर्णय घेतात, याकडे सर्वांचे लक्ष असणार आहे.
