न्यूझीलंडमध्ये सुरु असलेल्या पाच सामन्यांच्या टी २० मालिकेत भारताने न्यूझीलंडवर रोमहर्षक विजय मिळविला आहे. टाय झालेल्या या सामन्यात सुपरओव्हरमध्ये हिटमॅन रोहित शर्माच्या दमदार कामगिरीवर भारताने हा विजय मिळविला.
सुपरओव्हरमध्ये भारताला १८ धावांचे लक्ष्य देण्यात आले होते. सलामीवीर रोहित शर्मा आणि लोकेश राहुल सुपर ओव्हर खेळण्यास मैदानात उतरले. शेवटच्या दोन चेंडूत भारताला दहा धावांचे लक्ष्य असताना हिटमॅन रोहित शर्माने दोन्ही बॉलवर दोन उत्तुंग षटकार मारत भारताला रोमहर्षक विजय मिळवून दिला.
2009 मध्ये न्यूझीलंडच्या भूमीवर किवी विरुद्ध भारताने पहिली द्विपक्षीय टी २० आंतरराष्ट्रीय मालिका खेळली. दोन टी -20 सामन्यांच्या या टी -20 मालिकेत भारताला 0-2 असा पराभव स्वीकारावा लागला होता. यानंतर, 2018-2019 मध्ये खेळल्या गेलेल्या टी -20 आंतरराष्ट्रीय मालिकेत न्यूझीलंडकडून भारताचा 2-1 असा पराभव झाला. यासह, भारताने 11 वर्षांत प्रथमच न्यूझीलंडच्या भूमीवरील द्विपक्षीय टी -20 आंतरराष्ट्रीय मालिका जिंकली.
सध्याच्या टी -20 मालिकेच्या पहिल्या सामन्यात भारताने न्यूझीलंडला 6 गडी राखून पराभूत केले. यानंतर भारताने दुसरा टी -20 सामनाही 7 गडी राखून जिंकला आणि आता हॅमिल्टन येथेही तिसर्या टी -20 सामन्यात विजयासह भारताने न्यूझीलंडविरुद्धच्या पाच सामन्यांच्या टी -20 मालिकेत 3-0 अशी आघाडी घेतली आहे.
