राजवाडा चौपाटी येथील बेबी उडुपी या निराधार वृद्धेचे नुकतेच निधन झाले या वृद्धीला मदतीचा आणि माणुसकीचा हात देणारे श्रीमंत छत्रपती उदयनराजे भोसले या निधन वार्तेने हळहळले . या वृध्देला तिच्या पडत्या काळात गेल्या काही वर्षापासून आधार देण्याचे काम श्रीमंत छत्रपती उदयनराजे भोसले यांनी केले होते बेबी यांच्या निधनाचा तीव्र शोक श्रीमंत छत्रपती उदयनराजे भोसले यांनी व्यक्त केला आहे
या महिलेचे अंत्यसंस्कार विधी खासदार श्रीमंत छत्रपती उदयनराजे भोसले व मित्र समूहाच्या वतीने करण्यात आले श्रीमंत छत्रपती उदयनराजेंचा सर्वसामान्यांच्या प्रति असणारा कळवळा या निमित्ताने पुन्हा एकदा समोर आला आहे खासदार उदयनराजे म्हणजे कसदार व मुरब्बी राजकारणी अशी त्यांची प्रतिमा नेहमीच चर्चिली जाते मात्र त्याही पलीकडे माणुसकीची परंपरा जपणारे हळवे मनही श्रीमंत छत्रपती उदयनराजे यांच्याकडे आहे हे या घटनेने सिद्ध झाले आहे राजवाडा चौपाटी परिसरात हनुमान मंदिराच्या समोर बेबी उडुपी नावाची एक वृद्धा राहायला होती या जगामध्ये तिचे आपले स्वतःचे असे कोणी नव्हते तिच्या आयुष्यात जगण्यामध्ये अनंत अडचणी होत्या उदरनिर्वाहाचे कोणतेही साधन नसल्यामुळे जगणेही अवघड झाले होते जलमंदिर समोरील परिसरामध्ये ही वृद्धा नेहमी पाहायला मिळत असे या वृद्धीची ही अडचण ओळखून उदयनराजे यांनी या वृद्ध महिलेला गेल्या काही वर्षापासून नेहमीच मदतीचा आर्थिक आधार दिला तिला शेवटच्या पडत्या काळात कोणत्याही गोष्टीची कमी पडू दिली नाही बेबी यांच्या निधनापूर्वी काही दिवस आधी त्या जलमंदिर येथे छ उदयनराजे यांची भेट घेण्यासाठी आल्या होत्या त्यावेळी श्रीमंत छत्रपती उदयनराजे भोसले यांनी बेबी यांची आस्थेने विचारपूस केली त्यांना काय हवं काय नको हे पाहिले तसेच त्यांना आर्थिक स्वरूपाची मदतही देऊ केली त्यांच्या हॉस्पिटलचा उपचाराचा सर्व खर्च स्वतः छ उदयनराजे यांनी उचलला
मात्र शनिवारी वृद्धापकाळाने बेबी यांचे निधन झाले या निधनामुळे श्रीमंत छत्रपती उदयनराजे यांच्या चेहऱ्यावर काळजी दिसून आली . त्यांनी तीव्र शोक व्यक्त केला खासदार श्रीमंत छत्रपती उदयनराजे यांचा हा मनाचा संवेदनशील कोपरा अनेकांच्या मनाला स्पर्श करून गेला सर्वसामान्यांच्या हक्कासाठी आणि हितासाठी धावून जाण्याची अन्यायाच्या विरोधात खंबीरपणे आवाज उठवण्याची श्रीमंत छत्रपती उदयनराजे भोसले यांची कामाची पद्धत आहे मात्र एका वृध्देच्या प्रती असणारी माणुसकी आणि संवेदनशीलता श्रीमंत छत्रपती उदयनराजे यांनी दाखवून आपण सातारकरांचे पालक आहोत हे या निमित्ताने सिद्ध झाले आहे श्रीमंत छत्रपती उदयनराजे मित्र समूहाच्या वतीने या वृद्ध महिलेच्या अंत्यसंस्काराची ही संपूर्ण व्यवस्था करण्यात आली होती