शुक्रवार पेठ परिसरात रस्त्यावर साचलेल्या कचऱ्याची बातमी समोर आल्यानंतर अवघ्या एका तासात पालिका प्रशासनाने तातडीने दखल घेत कचरा उचलण्याची कारवाई केली. यामुळे परिसरातील नागरिकांना मोठा दिलासा मिळाला आहे.
मात्र, केवळ पालिका प्रशासनावर दोषारोप करून चालणार नाही. नागरिकांनीही आपली जबाबदारी ओळखून घरातील कचरा घंटागाडीतच टाकणे आवश्यक आहे. सार्वजनिक ठिकाणी कचरा टाकल्यामुळे परिसराचे सौंदर्य बिघडते आणि आरोग्याच्या समस्या निर्माण होण्याची शक्यता वाढते.
नेत्यांच्या प्रभागातच कचऱ्याचे साम्राज्य दिसून येणे ही चिंतेची बाब आहे. विकासकामांबरोबरच नागरिकांचे आरोग्य आणि स्वच्छता यांनाही तितकेच महत्त्व देणे गरजेचे आहे. स्वच्छ आणि सुंदर शहरासाठी प्रशासन आणि नागरिक या दोघांनीही एकत्रितपणे जबाबदारी पार पाडण्याची आवश्यकता आहे.
“स्वच्छ परिसर, निरोगी नागरिक” हेच प्रत्येकाचे ध्येय असायला हवे.
