नगरविकास मंत्री ना.एकनाथ शिंदे यांना नगरपरिषदेने हृद्यवाढ क्षेत्राचा ५१ कोटी रुपयांचा विकास आराखडा, सादर केला असून, याबाबत आम्ही मंत्रीमहोदय यांचेशी सविस्तर चर्चा केली आहे. ना.एकनाथ शिंदे यांनी दिलेल्या अभिवचनाप्रमाणे लवकरच सातारा नगरपरिषदेकडे याकामी निधी प्राप्त हाईल अशी माहीती खासदार श्रीमंत छत्रपती उदयनराजे भोसले यांनी एका प्रसिध्दीपत्रकाव्दारे दिली आहे.
सातारा नगरपरिषदेच्या विविध प्रश्नांवर नगरविकास मंत्री एकनाथ शिंदे यांची खासदार श्रीमंत छत्रपती उदयनराजे भोसले यांची भेट घेवून, हद्यवाढ क्षेत्राचा विकास आराखडा, नाविन्यपूर्ण योजनेतुन नवीन प्रशासकीय इमारतीचे बांधकामासाठी निधी,कासची उंची वाढवण्याच्या कामाला निधी तसेच कासची बंदिस्त पाईपलाईनकरीता निधी, कर माफीबाबत राज्यशासनाची मान्यता, नवीन विद्युत दाहिनी, इत्यादी मुद्यांवर चर्चा
केली. या चर्चेच्या अनुषंगाने खासदार श्रीमंत छत उदयनराजे भोसले यांनी दिलेल्या प्रसिध्दीपत्रकात पुढे नमुद केले आहे की, नगरपरिषदेच्या सुमारे ४० ते ५०वर्षामध्ये पहिल्यांदाच सप्टेंबर २०२० मध्ये हद्यवाढ झाली आहे. हद्यवाढ क्षेत्रातील खेड, गोडोली, विलासपूर,शाहुपूरी, करंजे,दरे खुर्द,कोडोलीचा काही भाग, शाहुनगरमधील आणि गोडोलीचा त्रिशंकु भाग येथील सुमारे १६० कि.मी. लांबीचे रस्ते, १७ कि.मी.लाबीची
गटर्स/पाईपड्रेन,पोलसह सुमारे १०० स्ट्रीट लाईटस, याकरीता तसेच या परिसरातील ओपन स्पेसचा विकास फाशीचा बड,चारभिंती, अजिंक्यतारापरिसर, तलाव, इत्यादी ठिकाणी नवीन बागा, ओपन जीम, ठिकठिकाणी वृक्षारोपण इत्यादी अनेक विकास कामांचा आराखडा तयार करण्यात आलेला आहे. सदर ५१ कोटी ४१ लाख रुपयांचा आराखडा राज्याचे नगरविकास मंत्री ना.एकनाथ शिंदे यांना नगरपरिषदेच्या वतीने सादर करण्यात आला.
नगरपरिषदेच्या नवीन प्रशासकीय इमारतीकरीता १ रुपयामध्ये पदमश्री बाबासाहेब कल्याणी यांचेकडून नगरपरिषदेने सुमारे ४० गुंठे जागा खरेदी केलेली आहे. सदर जागेवर प्रशासकीय इमारत उभारण्यात येणार आहे. त्याकरीता राज्यशासनाने वैशिष्टयपूर्ण / नाविन्यपूर्ण योजनेमधुन सातारा नगरपरिषदेला भरीव निधी प्रदान करावा अशी आग्रही मागणीही यावेळी ना.एकनाथ शिंदे यांचेकडे करण्यात आली. यावर ना.एकनाथ
शिद यांनी याच महिन्याच्या अखेरीस प्रशासकीय इमारतीसाठी निधीचा पहिला टप्पा मंजूर करुन वितरीत केला जाईल असे सांगीतले. त्यामुळे प्रशासकीय इमारतीचे बांधकामास यावर्षी सुरुवात करण्याचा मार्ग मोकळा झाला आहे.सातारकरांना वरदान ठरलेल्या, जिव्हाळयाचा कास धरण उंची वाढवण्याच्या प्रकल्पाला राज्य शासनाकडून मंजूर झालेला निधीची रक्कम तातडीने मिळावी, तसेच कास बंदिस्त पाईपलाईनब्दारे पाणी
आणण्याचा प्रकल्प अहवाल शासनास सादर करण्यात आला आहे त्यास मंजूरी आणि निधी मिळावा अशी मागणी केली असता, यावर्षापासून दरवर्षी टप्याटप्याने निधी देण्याचे मान्य केले आहे.
माहुली येथे कोरोना काळात अंत्यसंस्कार होण्यास वेळ लागत होता, त्यासाठी याठिकाणी विद्युत दाहिनी बसवणेकामीचा प्रस्ताव ना.एकनाथ शिंदे यांना प्रस्ताव दिला असता, त्यास ना.एकनाथ शिंदे यांनी तातडीने मंजूरी दिली आहे.त्यामुळे लवकरच याठिकाणी विद्युत दाहिनी बसवली जाणार आहे.
राजवाडा येथील जुन्या नगरपालिका कार्यालयामध्ये आर्ट गॅलरीचे प्रस्तावास ना.एकनाथ शिंदे यांनी मंजूरी दिली आहे
सातारा शहरासाठी मंजूर दुसरी सुधारीत विकास योजना सुधारीत करणे तसेच सातारा नगरपरिषदेच्या हदद्यदवाढीत नव्याने समाविष्ट झाालेल्या क्षेत्रासाठी विकास योजना, जीआयएस प्रणालीव्दारे करणेकरीता येणारा खर्च शासनाने करणेबाबत प्रस्तावित केलेले आहे. हा खर्च शासनाने करणे गरजेचे आहे व तो खर्च शासनाने करावा अशी मागणी खासदार श्रीमंत छत्रपती उदयनराजे भोसले यांनी केली. या बाबतही ना.शिंदे यांनी यावेळी मंजूरी दिल्याने, याकामाचा संपूर्ण खर्च राज्यशासन करणार आहे. कोव्हिडच्या लॉकडाउनच्या काळात, आकारण्यात येणारी निवासी आणि बिगरनिवासी घरपटटी माफ करण्याचा ठराव नगरपरिषदेने पारित केला आहे, त्यास शासनाची मंजूरी मिळण्याचा प्रस्ताव सादर करण्यात आला. त्यावर ना.एकनाथ शिंदे यांनी राज्य शासन लवकरात लवकर निर्णय घेईल सांगीतले त्यामुळे लॉक डाउनकाळातील घरपटटीचा प्रश्न लवकरच सुटणार आहे.
सातारा शहराची हद्यवाढ झाल्याने,उपलब्ध कर्मचारी यांचेमार्फत नागरी सुविधा पुरवणे अशक्य होत असल्याने,सातारा नगरपरिषदेमध्ये नवीन पदनिर्मिती करुन,जागा भरण्याच्या प्रस्तावासही ना.एकनाथ शिंदे यांनी मंजूरी दिली आहे.अश्या प्रकारे सातारा नगरपरिषदेच्या विविध विषयांवर ना.एकनाथ शिंदे यांचेबरोबर केलेल्या चर्चेत,नगरपरिषदेस राज्य शासनामार्फत सर्वतोपरी सहकार्य केले जाईल तसेच विविध प्रस्ताव, आराखडे,मागणी यांच्या पूर्ततेसाठी भरीव निधी देण्याचे अभिवचन ना.एकनाथ शिंदे यांनी दिले आहे. त्यामुळे हद्यवाढ
क्षत्रातील विकास, नवीन प्रशासकीय इमारत,कास-सातारा पाईपलाईन, विद्युत वाहिनी, आर्ट गॅलरी,पदनिर्मिती,इत्यादी कामांना लवकर भरीव निधी प्राप्त होणार असून, सातारा शहर व हद्यवाढ भागाचा विकास झपाटयाने होण्यास मदत होणार आहे असेही खासदार श्रीमंत छत्रपती उदयनराजे भोसले यांनी दिलेल्या प्रसिध्दीपत्रकात शेवटी नमुद केले आहे.
