छत्रपती कृषी प्रदर्शनाचे छ उदयनराजे यांच्या शुभहस्ते उद्घाटन संपन्न

146
Adv

स्मार्ट एक्स्पो ग्रुप च्या व्यवस्थापन अन्तर्गत व मा.श्रीमंत छ. उदयन राजे भोसले मित्र समूह , जय सोशल फौंडेशन चे वतीने छत्रपती कृषी 2022भव्य राज्यस्तरीय कृषी प्रदर्शन कृषी,औद्योगिक, वाहन व पशु पक्षी प्रदर्शन 2022 चे स्मार्ट एक्सपो यांच्यावतीने आयोजित केलेल्या सातारा जिल्हा परिषद मैदानावरील छत्रपती कृषी औद्योगिक वाहन महोत्सव चे उद्घाटन सोहळ्यास सातारा जिल्ह्याचे लाडके खासदार श्रीमंत छत्रपती उदयनराजे भोसले यांनी उद्घाटक म्हणून उपस्थित राहून या सोहळ्यासाठी आलेल्या हजारो सातारकरांचा आनंद द्विगुणित केला.
या छत्रपती महोत्सवाच्या उद्घाटन सोहळ्यासाठी ज्येष्ठ कृषी तज्ञ आणि कृषी क्षेत्रातील मार्गदर्शक डॉ. बुधाजीराव मुळीक, माजी जि प शिक्षण सभापती सुनील काटकर,स्मार्ट एक्सपोर्टचे प्रमुख संयोजक सोमनाथ शेटे जय सोशल फाउंडेशन चे सागर भोसले यांचे सह जिल्हा कृषी अधीक्षक विजयकुमार राऊत ,उपविभागीय कृषी अधिकारी गुरुदास काळेजिल्हा पशुसंवर्धन अधिकारी श्री.परिहार,जिल्हा पशुसंवर्धन अधिकारी डॉ. संजय शिंदे ,कृषी विकास अधिकारी विजय माइणकर सौ.स्मिता घोडके ,सौ.रेखा शेटे नगरसेवक कल्याण राक्षे विविध शेती तसेच पशु विभागाचे मान्यवर अधिकारी जय सोशल फाउंडेशनचे क्रियाशील सदस्य कार्यकर्ते यांची प्रमुख उपस्थिती होती.
तब्बल 225 हून अधिक नामवंत देशातील कंपन्यांच्या विक्री स्टॉल मध्ये सहभाग असलेले या महोत्सवासाठी पुढील पाच दिवस सातारकरांना एक परवणीच लाभली आहे.

उद्घाटन सोहळ्यात त श्री.छ.उदयनराजे भोसले यांनी फित कापून या प्रदर्शनाचे उद्घाटन केल्यावर मान्यवरांच्या हस्ते दीपप्रज्वलन करण्यात आले या प्रदर्शनाचे प्रमुख संयोजक सोमनाथ शेटे यांनी आपल्या प्रास्ताविक भाषणात ,गेली अनेक वर्षे असे प्रदर्शन साताऱ्यात भरवण्याची अपेक्षा आणि मनीषा राजे साहेबांनी बाळगली होती त्याला मूर्त स्वरूप येत राज्य शासन जिल्हा परिषद, कृषी विभाग, पशुसंवर्धन विभाग यांच्या सहकार्यामुळे हे आजचे साताऱ्यातील चौथे प्रदर्शन यशस्वीपणे आपण उभा करू शकलो याचा विशेष आनंद होत असल्याचे आवर्जून सांगितले.
यावेळी उपस्थित त्यांना मार्गदर्शन करताना उदयनराजे भोसले म्हणाले की, शेतकऱ्यांसाठी मी पुढे येत असताना डॉ.मुळीक साहेबांसाठी मार्गदर्शक या उद्घाटन सोहळ्यात सहभाग मार्गदर्शन करत आहेत याचा विशेष आनंद वाटतो. डॉ.मुळीक साहेबांनी स्वतःची जीवनशैली शेतकऱ्यांसाठी वाहिली. आज छत्रपतींची आठवण आली तरी त्या काळात छत्रपती शिवाजी महाराजांनी आपणा सर्वांना विचार दिला होता आज हे प्रदर्शन खरोखरच वैशिष्ट्यपूर्ण ठरणारे लोकशाहीची संकल्पना ही महाराज साहेबांचीच होती लोकांचा सहभाग गरजेचा हेच ध्येय धोरण आम्ही पुढे अंगीकारत आहोत.आज शेतकऱ्यांसाठी आपण झटत असताना देशाचे लाडके पंतप्रधान नरेंद्र मोदी यांच्या हस्ते उद्घाटित झालेल्या आणि शेतकऱ्यांसाठी नव्या युगात खऱ्या अर्थाने मित्र ठरणाऱ्या प्रभावी तंत्रज्ञानाची कमाल असलेला खते ,औषधे स्प्रिंकलिंग करणारा स्वयंचलितड्रोन या प्रदर्शन महोत्सवाचे आकर्षण आहे याचे विशेष आनंद होत आहे. हे प्रदर्शन आपणा सर्वांसाठी खरोखरच मार्गदर्शक ठरेल व यातून आपल्याला नवनवीन विकास आणि तंत्रज्ञानाची ओळख होईल.
उद्घाटन सोहळ्यात उपस्थित मान्यवरांना प्रदर्शन करताना डॉ. बुधाजीराव मुळीक म्हणाले की साताऱ्यात खासदार उदयनराजे यांच्या मार्गदर्शनाखाली भरलेले हे प्रदर्शन आता देश पातळीवर जाणे गरजेचे आहे .
आज वरील अनेक कृषी प्रदर्शनात मी सहभागी होतो. मात्र हे प्रदर्शन खऱ्या अर्थाने आगळे वेगळे आणि संयोजनाचा एक आदर्श असे उदाहरण आहे.सध्या शेतकऱ्यांना भीतीदायक ठरणारा लम्पी रोग साताऱ्यात मात्र कमी आहे अशी प्रदर्शने खऱ्या अर्थाने मार्गदर्शनाचा केंद्रबिंदू असून हे प्रदर्शन भविष्यात खरोखरच देश स्तरावर मार्गदर्शनाचा एक टप्पा ठरेल असे वाटते. आता तुम्ही सर्वांनी जागृत होणे गरजेचे आहे. सातत्याने सर्वांनी न थांबता पुढे जरुरीचे आहे महाराज साहेबां बरोबर आपल्या सर्वांची साथ यासाठी महत्त्वाची आणि मोलाची आहे. राजे साहेबांना खऱ्या अर्थाने आता कृषी मंत्री करणे आपणा सर्वांची जबाबदारी आहे.
कार्यक्रम संयोजक सोमनाथ शेटे, रेखा शेटे व हेमलता भोसले यांनी सर्व मान्यवरांचे स्वागत केले कार्यक्रमाचे सूत्रसंचालन सुनील मोरे यांनी अतिशय प्रभावीपणे केले.
छत्रपती कृषी महोत्सवांमध्ये रविवार दिनांक 9 ऑक्टोबर रोजी सकाळी दहा ते दुपारी चार या वेळा देशी विदेशी जातीच्या नामवंत श्वानांच्या करिता क्षणप्रेमींकडून स्पेशल डॉग शोचे आयोजन करण्यात आलेले आहे.

Adv