सातारा पालिकेच्या जुनामोटर स्टँड जागेवरील दोन्ही पेट्रोल पंप चालकांनी सातारा पालिकेसह सातारकरांची फसवणूक वीस वर्ष केली असून मुख्याधिकारी यांनी संबंधित पेट्रोल पंप चालकाला 48 तासाची मुदत देऊन संबंधितावर कारवाई करण्यात येईल असे आदेश असताना देखील पालिकेतील स्थावर जिंदगी विभाग मात्र याप्रकरणी सुस्त असल्याचे दिसून येते
सातारा पालिकेची मिळकत असलेला जुना मोटर स्टँड या परिसरात सातारा पालिकेची जागा असून गेल्या अनेक वर्षा पासून या जागेत दोन पेट्रोल पंप असून या पेट्रोलपंप चालकांनी वीस वर्षापासून पालिकेचा एक रुपयाचाही कर भरला नसून पालिके सोबत केलेल्या कराराचा ही भंग केलेला आहे याप्रकरणी सातारा पालिकेचे कर्तव्य दक्ष मुख्याधिकारी अभिजित बापट यांनी संबंधितांना 48 तासाची मुदत दिली होती मुदत संपून आठ ते दहा दिवस झाले असून याप्रकरणी स्थावर जिंदगी विभागच पुढील कारवाई करत नसल्याने शंकेची पाल मनात चुकचुकत आहे
मुख्याधिकारी साहेब वीस वर्ष लक्ष्मी दर्शन घेणाऱ्यांची यादी काढाच
मुख्याधिकारी साहेब गेल्या वीस वर्षात ज्यांनी ज्यांनी लक्ष्मी दर्शन घेऊन हा प्रश्न पुढे ढकलला त्याची यादी काढाच अशी अपेक्षा सातारकर जनता करत असून गेल्या वीस वर्षात या संबंधित विभागाचे प्रमुख यांची भूमिका ही संशयास्पद असून पालिकेतीलच गेल्या वीस वर्षातील अधिकारी असे वागत असतील तर पालिकेचे उत्पन्न वाढणार तरी कसे असा प्रश्न साताऱ्यातील नागरिक विचारत आहेत
पेट्रोल पंप चालकाचा वावर स्थावर जिंदगी विभागात का
संबंधित पेट्रोल पंप चालकाचा पालिकेत वावर गेल्या दोन दिवसापासून दिसून येत आहे हा वावर नेमका कशासाठी हा प्रश्न आता उपस्थित झाला आहे त्यामुळे संबंधित स्थावर जिंदगी विभाग व त्यांच्या प्रमुखांनी सातारा पालिकेसह सातारकरांची फसवणूक करणाऱ्या पेट्रोलपंप चालकांवर कारवाई करून आपला विभाग अस्तित्वात असल्याचे दाखवून द्यावे अशी अपेक्षा ही आता सर्वसामान्य सातारकर करत आहेत
